akshay 
ભાજપના વરિષ્ઠ નેતા અને કેન્દ્રીય મંત્રી ગિરિરાજ સિંહે અમેરિકામાં રાહુલ ગાંધીના નિવેદનો પર આકરા પ્રહારો કર્યા છે. રાહુલ ગાંધી પર કટાક્ષ કરતા તેમણે કહ્યું કે, ગામડામાં કહેવત છે કે સો ચુહે ખાકે બિલ્લી હજ કો ચલી (સો ઉંદરો ખાધા પછી બિલાડી હજ કરવા ગઈ). જે કોંગ્રેસ આઝાદી પછી તુષ્ટિકરણની રાજનીતિ કરતી રહી, શીખોની હત્યા કરતી રહી, તે હવે અમને પાઠ શીખવાડવા જઇ રહી છે.
–> જેઓ વધુ અજ્ઞાન હોય છે તેઓ તેમના જ્ઞાનને વધુ પ્રદર્શિત કરે છે: ગિરિરાજ સિંહ :- ગિરિરાજ સિંહે વધુમાં કહ્યું કે જેઓ વધુ અજ્ઞાન હોય છે તેઓ તેમના જ્ઞાનને વધુ પ્રદર્શિત કરે છે. રાહુલ ગાંધી કહેતા હતા કે અમે 400 બેઠકો લઈશું, હું લેખિતમાં આપીશ, 400 બેઠકો ક્યાં ગઈ? તેમના પ્રશ્નોનો જવાબ આપવો એ તમારી જાતને બિલો ધ બેલ્ટ લઈ જવા જેવું છે. તેઓ વિરોધ પક્ષના નેતા છે, 3 ચૂંટણીમાં કોંગ્રેસ પક્ષને રસ્તા પર લાવી દેનાર વ્યક્તિ વિશે શું કહી શકીએ ? રાહુલ ગાંધીને જવાબ આપવો મૂર્ખતા છે.. આ પહેલા બેરોજગારી અને ચીન સાથે જોડાયેલા રાહુલના નિવેદન પર ગિરિરાજ સિંહે કહ્યું હતું કે લાગે છે કે તેઓ ચીનના પૈસા પર જીવી રહ્યા છે અને તેથી જ તેઓ બહાર જઈને ચીનનો પ્રચાર કરી રહ્યા છે.
–> આવા લોકો સામે દેશદ્રોહનો કેસ ચાલવો જોઈએ: ગિરિરાજ સિંહ :- રાહુલ ગાંધી ભારતની બહાર જઈને ભારતના વખાણ કરવાને બદલે ભારતની જ ટીકા કરી રહ્યા છે. આવા લોકો સામે દેશદ્રોહનો કેસ ચાલવો જોઈએ. જેઓ ભારતની બહાર જઈને ભારતની ટીકા કરે છે અને દુશ્મન દેશોના વખાણ કરે છે.
–> આરએસએસના નિવેદન પર પણ ટોણો :- ગિરિરાજ સિંહે આરએસએસને લઈને રાહુલ ગાંધીના નિવેદન પર પણ નિશાન સાધ્યું હતું. તેમણે કહ્યું હતું કે જો તેમની દાદીને RSSની ભૂમિકા વિશે પૂછવાનો કોઈ રસ્તો હોય તો તેમણે આવું કરવું જોઈએ અથવા ઈતિહાસના પાનામાંથી પૂછવું જોઈએ. આરએસએસને સાચા અર્થમાં સમજવા માટે રાહુલ ગાંધીને ઘણા જન્મો જોઈએ. દેશદ્રોહી આરએસએસને સમજી શકતો નથી, અને જેઓ દેશની ટીકા કરવા વિદેશમાં જાય છે તે તેના મર્મને સમજી શકતા નથી.
