રાજ ઠાકરેએ શરદ પવાર અને ઉદ્ધવ ઠાકેર પર સાધ્યું નિશાન, શરદ પવારને જાતિવાદ ફેલાવનારા સંત કહ્યુ

મહારાષ્ટ્ર નવનિર્માણ સેનાના પ્રમુખ રાજ ઠાકરેએ અમરાવતીમાં ચૂંટણી રેલી દરમિયાન શરદ પવાર અને શિવસેના UTB ચીફ ઉદ્ધવ ઠાકરે પર નિશાન સાધ્યું. તેમણે શરદ પવારને મહારાષ્ટ્રમાં જાતિવાદ ફેલાવનારા સંત અને ઉદ્ધવ ઠાકરેને સ્વાર્થી ગણાવ્યા છે. MNS નેતાએ કહ્યું કે હિંદુઓ છૂટાછવાયા છે, તેઓ માત્ર રમખાણો દરમિયાન જ ભેગા થાય છે અને મુસ્લિમો MVAને મત આપવા માટે મસ્જિદોમાંથી ફતવા બહાર પાડી રહ્યા છે.રાજ ઠાકરેએ કહ્યું કે જ્યારે ઉદ્ધવ ઠાકરે મુખ્યમંત્રી હતા ત્યારે મેં તમામ મસ્જિદોમાંથી લાઉડસ્પીકર હટાવી દીધા હતા, ત્યારબાદ અમારા લોકો પર 17 હજાર કેસ નોંધાયા હતા. જો મારા હાથમાં સત્તા હોત તો મેં એક પણ મસ્જિદ પર લાઉડસ્પીકર જોયો ન હોત. AIMIM નેતા ઈમ્તિયાઝ જલીલે હજારો મુસ્લિમો સાથે મુંબઈ સુધી કૂચ કરી, તેમની હિંમત કેવી રીતે થઈ, કારણ કે કોંગ્રેસના વધુ સાંસદો વિજયી થયા.

એમએનએસ ચીફે વધુમાં કહ્યું કે, ઉદ્ધવ ઠાકરેએ બાળાસાહેબ ઠાકરેના નામમાંથી હિન્દુ હ્રદય સમ્રાટ હટાવ્યું છે, તેમણે પોતાની મજબૂરીના કારણે આ કર્યું, કોંગ્રેસ અને શરદ પવારની એનસીપી તેમની સાથે છે તેમને લાગ્યું કે બાળાસાહેબને હિન્દુ હ્રદય સમ્રાટ કહીએ તો યોગ્ય નહીં લાગે. તેમણે કહ્યું કે જ્યારે નવનીત રાણા લોકસભા ચૂંટણી હારી ગયા ત્યારે મુસ્લિમો રસ્તા પર કેમ આવ્યા, અમરાવતીમાં રમખાણો થયા. એકવાર તમે મને સત્તા આપો, હું આ બધું ઠીક કરીશ.ઠાકરેએ કહ્યું, ઉદ્ધવ ઠાકરે દરેક જિલ્લામાં શિવાજીના મંદિર બનાવવાની વાત કરે છે,પરંતુ પૂતળાં લગાવવાને બદલે શિવાજીના કિલ્લાને બચાવીને તેનું રક્ષણ કરવું વધુ સારું છે.

-> ઠાકરેએ શરદ પવાર પર પણ પ્રહાર કરતા :- કહ્યું કે હિન્દુત્વનું વાતાવરણ બગાડવા માટે તેઓને જાતિઓમાં વહેંચવામાં આવ્યા છે, કારણ કે મહારાષ્ટ્રમાં એક સંત કામ કરી રહ્યા છે, તેમનું નામ છે સંત શરદચંદ્ર પવાર. અત્યારે મરાઠા અને ઓબીસી વચ્ચે વિવાદ ચાલી રહ્યો છે, તેના જનક પણ શરદ પવાર છે.