akshay 
લોકપ્રિય કોમેડિયન શો ધ ગ્રેટ ઈન્ડિયા કપિલ શો નેટફ્લિક્સ પર દર્શકોનું મનોરંજન કરી રહ્યો છે. ટીવીની જેમ તેની લોકપ્રિયતા OTT પર પણ એટલી જ છે. જોકે, હાલમાં આ શો કેટલાક વિવાદોમાં ફસાયેલો જોવા મળી રહ્યો છે.હકીકતમાં, ધ ગ્રેટ ઈન્ડિયન કપિલ શોને બંગાળી સમુદાયની ધાર્મિક લાગણીઓને ઠેસ પહોંચાડવા તેમજ સ્વર્ગસ્થ નોબેલ પારિતોષિક વિજેતા રવિન્દ્રનાથ ટાગોરની છબીને કલંકિત કરવા બદલ 1 નવેમ્બરે કાનૂની નોટિસ મળી હતી. ફરિયાદકર્તાઓએ કાનૂની નોટિસ દ્વારા શોમાં બંગાળીઓના ચિત્રણ પર ચિંતા વ્યક્ત કરી છે.
-> શોને નોટિસ કોણે મોકલી? :- આ નોટિસ બોંગો ભાશી મહાસભા ફાઉન્ડેશન (BBMF)ના પ્રમુખ ડૉ. મંડલે તેમના કાનૂની સલાહકાર નૃપેન્દ્ર કૃષ્ણ રોય દ્વારા મોકલી છે. નોટિસમાં કહેવામાં આવ્યું છે કે ધ ગ્રેટ ઈન્ડિયન કપિલ શોમાં કંઈક એવું કરવામાં આવ્યું હતું જે મહાન કવિ રવિન્દ્રનાથ ટાગોર પ્રત્યે અપમાનજનક છે. તેનાથી માત્ર ભારતમાં જ નહીં પરંતુ સમગ્ર વિશ્વમાં બંગાળીઓની ધાર્મિક અને સાંસ્કૃતિક લાગણીઓને ઠેસ પહોંચવાનું જોખમ છે.હવે આ મામલે શોના મેકર્સે પ્રતિક્રિયા આપી છે. નોટિસનો જવાબ આપતા, ધ ગ્રેટ ઈન્ડિયન કપિલ શોના નિર્માતાઓએ કહ્યું કે ટાગોરના કામ અને વારસાને ખોટી રીતે રજૂ કરવાનો તેમનો કોઈ ઈરાદો નથી. તેણે કહ્યું, “ધ ગ્રેટ ઈન્ડિયન કપિલ શો એક કોમેડી કાર્યક્રમ છે જે સંપૂર્ણપણે મનોરંજન માટે છે.” તેમણે કહ્યું કે આ શો પેરોડી અને કાલ્પનિક સ્કેચથી બનેલો છે, જેનો હેતુ કોઈ ચોક્કસ વ્યક્તિ અથવા સમુદાયને દુર્ભાવનાપૂર્ણ રીતે લક્ષ્ય બનાવવાનો નથી.
-> અમારો કોઈ સંબંધ નથી – સલમાન ખાન ટીમ :- આ દરમિયાન એક અફવા પણ ફેલાઈ હતી કે સલમાન ખાનના પ્રોડક્શન હાઉસને પણ આ વિવાદ સંબંધિત કાનૂની નોટિસ મળી છે. જો કે, હવે અભિનેતાની ટીમે એક નિવેદન જારી કરીને ધ ગ્રેટ ઈન્ડિયન કપિલ શોથી દૂરી લીધી છે.
સલમાન ખાનના પ્રતિનિધિએ એક નિવેદનમાં કહ્યું, ‘નેટફ્લિક્સ પર પ્રસારિત થનારા ‘ધ ગ્રેટ ઈન્ડિયન કપિલ શો’ સાથે અમારે કોઈ લેવાદેવા નથી. કેટલાક મીડિયા રિપોર્ટ્સ કહી રહ્યા છે કે સલમાન ખાન (SKTV)ને નોટિસ મળી છે, પરંતુ આ સાચું નથી કારણ કે અમે Netflix પર પ્રસારિત થનારા ‘ધ ગ્રેટ ઈન્ડિયન કપિલ શો’ સાથે સંકળાયેલા નથી.
