akshay 
છેલ્લા કેટલાક દિવસોથી દેશની એરલાઇન્સ અને હોટલોને બોમ્બની ધમકીઓ મળી રહી છે. આ કેસમાં નાગપુર પોલીસે 35 વર્ષીય યુવકની ધરપકડ કરી છે, જેના પર 354 થી વધુ ધમકીભર્યા ઈમેલ મોકલવાનો આરોપ છે. એવું કહેવામાં આવી રહ્યું છે કે તેણે પીએમઓ, ઉચ્ચ સરકારી અધિકારીઓ, ફ્લાઈટ્સ અને ટ્રેનોને ઉડાવી દેવાની ધમકી આપી હતી.
-> PMOને 100 થી વધુ ઈમેલ મોકલ્યા :- તે વ્યક્તિએ જાન્યુઆરી 2024 થી પીએમઓ અને અન્ય અધિકારીઓને 100 થી વધુ ઈમેલ મોકલ્યા છે, જેમાં માત્ર ધમકીઓ આપવામાં આવી હતી. નાગપુર ડીસીપીએ આરોપી વિશે ચોંકાવનારી વાત કહી. તેમણે કહ્યું કે આરોપી જગદીશ ઉઇકેએ આતંકવાદીઓ પર એક પુસ્તક વાંચ્યું છે, જેનું શીર્ષક છે આતંકવાદ – એક તુફાની રક્ષક. હવે તે આ પુસ્તક પ્રકાશિત કરવા માંગે છે. તેણે કહ્યું કે પહેલા તે પુસ્તક પબ્લિશ કરાવવા માટે અલગ-અલગ જગ્યાએ ઈમેલ મોકલતો હતો અને પછી ધમકીઓ આપવા લાગ્યો હતો.
-> પુસ્તક અંગે પીએમઓ પાસેથી સમર્થન માંગ્યું :- પોલીસ કમિશનર રવિન્દર સિંઘલે જણાવ્યું હતું કે, “મહારાષ્ટ્રના માઓવાદી પ્રભાવિત જિલ્લા ગોંદિયાનો આરોપી જગદીશ આતંકવાદ પર લખેલા પુસ્તક માટે પીએમઓ પાસેથી સમર્થન માંગી રહ્યો હતો. અંતે, હતાશામાં તેણે બોમ્બની ખોટી ધમકી આપવાનું શરૂ કર્યું.
પોલીસ કમિશનરે કહ્યું કે આ વ્યક્તિ પહેલા પણ પીએમઓને વાંધાજનક મેલ મોકલી ચૂક્યો છે, જેના માટે તેની પૂછપરછ કરવામાં આવી છે. તે સમયે ક્રાઈમ બ્રાન્ચે તપાસ કરી હતી, પરંતુ તેની સામે કોઈ કેસ નોંધાયો ન હતો.આરોપી જગદીશ ઉઇકેએ તેના તાજેતરના ઈમેલમાં કથિત રીતે ભારતમાં સ્લીપર સેલની ગતિવિધિઓ અંગે ચેતવણી આપી હતી. પોલીસે જણાવ્યું કે આરોપીની ડિજિટલ એક્ટિવિટી અને કોમ્યુનિકેશન પેટર્નની પણ તપાસ કરવામાં આવી રહી છે. જેથી જાણી શકાય કે તે કોઈ વિદેશી સંસ્થા સાથે સંબંધિત છે કે કેમ.પોલીસ કમિશનરે કહ્યું કે, આરોપીઓના કોલ ડિટેઈલ રેકોર્ડ, લેપટોપ, બેંક એકાઉન્ટ અને પૈસાની પણ તપાસ કરવામાં આવી રહી છે. દિલ્હી પોલીસની સ્પેશિયલ સેલ પણ તપાસમાં જોડાઈ છે, જેના અધિકારીઓ જગદીશ ઉઈકેની પૂછપરછ કરવા માટે નાગપુરમાં હાજર છે.
