દિલ્હીના બિજવાસન વિસ્તારમાંથી એક ચોંકાવનારો કિસ્સો સામે આવ્યો છે. અહીં EDના અધિકારીઓ પર જીવલેણ હુમલો થયો છે. સાયબર ક્રાઈમ સાથે જોડાયેલા મામલાની તપાસ કરવા ઈડીની ટીમ અહીં પહોંચી હતી.આ હુમલાની જાણકારી દિલ્હી પોલીસને આપવામાં આવી છે. દિલ્હી પોલીસે ઘટનાસ્થળે પહોંચીને તપાસ શરૂ કરી છે. આ હુમલામાં EDનો એક અધિકારી ઘાયલ થયો છે.
-> જાણો શું છે સમગ્ર મામલો :- મળતી માહિતી મુજબ, આજે સવારે EDની ટીમ PPPYL સાયબર એપ ફ્રોડ કેસની તપાસ માટે દિલ્હીના બિજવાસન વિસ્તારમાં પહોંચી હતી. અહીં EDની ટીમ પર આરોપી અશોક શર્મા અને તેના પરિવારના સભ્યોએ હુમલો કર્યો હતો. આ હુમલામાં EDના આસિસ્ટન્ટ ડાયરેક્ટર ઘાયલ થયા છે. તેને હોસ્પિટલમાં લઈ જવામાં આવ્યો છે. દરમિયાન હુમલા દરમિયાન એક આરોપી નાસી છૂટ્યો હતો.આ ઘટનાની માહિતી પોલીસને આપવામાં આવી છે. દિલ્હી પોલીસ ઘટનાસ્થળે પહોંચી ગઈ છે. પરિસ્થિતિને કાબૂમાં લેવા માટે સ્થાનિક પોલીસ પહોંચી ગઈ છે. અધિકારીઓની સુરક્ષા સુનિશ્ચિત કરવા માટે તાત્કાલિક પગલાં લેવામાં આવ્યા હતા. સાથે જ પોલીસે ફરાર આરોપીની શોધખોળ શરૂ કરી છે.
-> FIR નોંધાવી :- આ ઘટના અંગે FIR નોંધવામાં આવી છે. એફઆઈઆરમાં કહેવામાં આવ્યું છે કે જ્યારે અધિકારીઓ દરોડા પાડી રહ્યા હતા ત્યારે તેમના પર હુમલો કરવામાં આવ્યો હતો.
Leave a Reply