તમે આ બિલથી અમારુ અસ્તિત્વ મીટાવવા માંગો છો પરંતુ અમે તેમ થવા નહીં દઇએ : ઓવૈસી

AIMIM ચીફ અસદુદ્દીન ઓવૈસી હવે મહારાષ્ટ્ર વિધાનસભા ચૂંટણીમાં એક્શન મોડમાં આવ્યા છે. આ ક્રમમાં, તેઓ સોમવારે મહારાષ્ટ્રના ઔરંગાબાદ પહોંચ્યા અને તેમના ઉમેદવારની તરફેણમાં લોકો પાસેથી સમર્થન માંગ્યું. અસદુદ્દીન ઓવૈસીએ ઘણા મુદ્દાઓનો ઉલ્લેખ કર્યો અને કેન્દ્ર સહિત અન્ય રાજકીય પક્ષોને નિશાન બનાવ્યા.AIMIM દ્વારા વકફ સુધારા બિલ પર ઓવૈસીનો એક વીડિયો સોશિયલ મીડિયા પ્લેટફોર્મ X પર પોસ્ટ કરવામાં આવ્યો છે. આ વીડિયોમાં અસદુદ્દીન ઓવૈસીએ કહ્યું હતું કે, ‘બાબરી મસ્જિદથી, દિલ્હીની સડકો પર અમારી લોહિયાળ હોળી રમવાથી, અમારા બાળકોના એન્કાઉન્ટરથી, અમારા ઘરોને બુલડોઝરથી તોડીને, અમારી છોકરીઓના માથા પરથી હિજાબ દુર કરીને તમારું દિલ નથી ભરાયું કે હવે હવે તમે વક્ફ સંશોધન બિલ 2024 દ્વારા અમારું અસ્તિત્વ મિટાવવા માગો છો, અમે અમારું અસ્તિત્વ ભૂંસાઈ નહીં જવા દઈએ.

— ‘અમને તમારો અવાજ મોકલો :- આ વીડિયોમાં અસદુદ્દીન ઓવૈસી પણ લોકોને અપીલ કરતા જોવા મળ્યા હતા. તેમણે કહ્યું, મિત્રો અને વડીલો, હું તમને અપીલ કરું છું કે જેઓ વકફ સંપત્તિનો નાશ કરવા આવી રહ્યા છે, તમે અને અમે તેમનો રાજકીય રીતે નાશ કરીએ. મજલિસના પ્રતિનિધિઓને મહારાષ્ટ્ર વિધાનસભામાં મોકલવા માટે તમને અપીલ છે. તમારી પાસે અવાજ નથી તો કોણ ઉઠાવશે? જેઓ તમારા માટે રાત-દિવસ કામ કરી રહ્યા છે, તેમને તમારા અવાજ તરીકે મોકલો.

— PM મોદી પર શું કહ્યું? :- અસદુદ્દીન ઓવૈસીએ કહ્યું, ‘પીએમ મોદી, તમે અમારા અસ્તિત્વને ખતમ કરવાનો પ્રયાસ કરી રહ્યા છો. સારું છે કે આપણે રસ્તાઓ પર આવીએ અને ખુદને ખતમ કરી લઈએ પણ આપણે આપણા ઘરમાં બેસીને આપણી મિલકતો છીનવાઈ જતા નહીં જોઇએ.