જોર્ડનના સૈનિકોનો યુનિફોર્મ પહેરી ઇઝરાયેલમાં ઘુસી રહેલા બે આતંકીઓને ઇઝરાયેલી સૈનિકોએ ઠાર કર્યા

ઇઝરાયેલ આતંકવાદ અને આતંકીઓને નાબૂદ કરવા માટે આરપારની લડાઈમાં છે. ફિલિસ્તીન, લેબનાન અને ઈરાન બાદ હવે તે જૉર્ડન સામે પણ યુદ્ધ માટે તૈયાર છે. તાજેતરમાં જ તેણે જૉર્ડનની સેનાનો યુનિફોર્મ પહેરેલા બે આતંકીઓને ઈઝરાઇલમાં ઘૂસતા સમયે ઠાર કરી દીધા.ઇઝરાઇલ ડિફેન્સ ફોર્સ (IDF)એ આ વાતની પુષ્ટિ કરતા જણાવ્યું છે કે બે આતંકીઓ જૉર્ડનની સેનાનો યુનિફોર્મ પહેરીને ઈઝરાઇલમાં ઘૂસવા પ્રયાસ કરી રહ્યા હતા. જ્યારે તેમને રોકાવવા માટે કહેવામાં આવ્યું, ત્યારે તેમણે ફાયરિંગ શરૂ કરી દીધું. જવાબમાં બંને આતંકીઓને મારી નાખવામાં આવ્યા.

-> કાંટેદાર વાયર કાપીને ઘુસ્યા :- IDFનું કહેવું છે કે પ્રાથમિક તપાસથી સ્પષ્ટ થયું છે કે બંને ઘૂસપેઠીયા જૉર્ડનના સૈનિકો નહોતા, પરંતુ જૉર્ડનના સૈનિકોનો યુનિફોર્મ પહેરેલા આતંકીઓ હતા. બંનેની ઓળખ હજી ન થઈ શકી છે અને તેમની તપાસ ચાલી રહી છે. આ બંને જ્યા ઘૂસ્યા હતા, ત્યાં અનેક સ્તરોમાં કાંટેદાર વાયર મૂકેલા હતા. તેમણે વાયર કટરનો ઉપયોગ કરીને વાયરના સ્તરોને કાપી દીધા હતા.

-> આતંકીઓની ગોળીથી 2 ઇઝરાયેલી સૈનિક જખમી :- IDFએ મીડિયા માટે જણાવ્યું કે જ્યારે આ ઘૂસપેઠની માહિતી મળી ત્યારે તાત્કાલિક સૈનિકોને મોકલવામાં આવ્યા. સીમા પાસે જ ઇઝરાયેલી ક્ષેત્રમાં માત્ર ત્રણ મીટર અંદર બંને આતંકીઓ મળી આવ્યા. ઇઝરાયેલી સેનાની ગોળીબારીમાં એક આતંકી સ્થળ પર જ મારી નાખવામાં આવ્યો, જ્યારે બીજો ભાગતી વખતે લગભગ 100 મીટર દૂર જઈને માર્યો ગયો. આતંકીઓએ સૈનિકો પર આઠ વાર ગોળીઓ ચલાવી, જેમાંથી કેટલીક ગોળીઓ બે સૈનિકોને લાગી છે અને તેઓ જખમી થયા છે.