આમ આદમી પાર્ટી ના રાષ્ટ્રીય સંયોજક અરવિંદ કેજરીવાલ હાલ હરિયાણા વિધાનસભા ચૂંટણીના પ્રચારમાં વ્યસ્ત છે. દરમિયાન, તેમણે દાવો કર્યો છે કે AAP વિના હરિયાણામાં સરકાર નહીં બને. તેમણે રાનિયામાં કહ્યું કે, અમને હરિયાણાની સેવા કરવાનો મોકો આપો, અહીં પણ અમે સારી શાળાઓ કરીશું અને વીજળી ફ્રી કરીશું. તમે કહેશો કે તમે સરકારમાં નથી આવતા, કેવી રીતે કરશો? મારો જવાબ છે કે જે પણ સરકાર બની રહી છે, તે અમારા વિના નથી બની રહી. અમે કામ પૂરું કરીશું. દિલ્હીની જનતાએ ભાજપ-કોંગ્રેસ છોડીને AAPને પસંદ કરી હતી અને પછી તે બંને પક્ષોને ભૂલી ગયા હતા. ઝાડુનું બટન એટલું દબાવજો કે બટન ખરાબ થઇ જાય
–> જો ભ્રષ્ટ હોત તો ત્રણ હજાર કરોડ પોતાના ખિસ્સામાં નાખત :- ભાજપ પર નિશાન સાધતા દિલ્હીના પૂર્વ મુખ્યમંત્રીએ કહ્યું કે તેઓએ મને જેલમાં ધકેલી દીધો . મારી ભૂલ એ છે કે દસ વર્ષ સુધી દિલ્હીના સીએમ રહીને મેં સારી શાળાઓ બનાવી. દિલ્હી અને પંજાબમાં લોકોને મફત વીજળી આપી. વૃદ્ધોને વિનામૂલ્યે તીર્થયાત્રાની સુવિધા આપી. આટલું કામ કોઈ ભ્રષ્ટાચારી કરી શકતો નથી. દિલ્હીમાં વીજળી ફ્રી કરવામાં ત્રણ હજાર કરોડનો ખર્ચ થયો. જો ભ્રષ્ટ હોત તો ત્રણ હજાર કરોડ પોતાના ખિસ્સામાં નાખત. હરિયાણામાં વીજળી મફત નથી.તેમણે કહ્યું કે 22 રાજ્યોમાં ભાજપની સરકાર છે. ત્યાં વીજળી સૌથી મોંઘી છે. તેઓએ મને જેલમાં નાખ્યો કારણ કે તેઓ મારી પ્રામાણિકતાને નુકસાન પહોંચાડવા માંગતા હતા. મારા કટ્ટર દુશ્મનો પણ કહે છે કે કેજરીવાલ ભ્રષ્ટ ન હોઈ શકે. મને તોડવાનો પ્રયાસ કર્યો, મારું ઇન્સ્યુલિન બંધ કરી દીધું . ભગવાનની કૃપાથી આજે હું તમારી સામે જીવિત છું.
–> તેઓ અમારા આત્માને તોડી શકતા નથી :- અરવિંદ કેજરીવાલે કહ્યું કે તેઓ મારી હિંમત તોડવા માંગતા હતા, પરંતુ હું હરિયાણાનો છું, હરિયાણાના લોકો મજબૂત હોય છે, અમારી હિંમત તોડી ન શકાય. હું સત્તામાં આવવા માટે તમારો મત માંગવા આવ્યો નથી. મેં દિલ્હીમાં સત્તા છોડી દીધી છે.AAPના રાષ્ટ્રીય સંયોજકે કહ્યું કે કોઈએ મારું રાજીનામું માંગ્યું નથી. મેં જાતે રાજીનામું આપ્યું. દિલ્હીની જનતાને કહ્યું કે જો ફરી ચૂંટાઈશ તો હું સીએમ બનીશ. અમને એક તક આપો, અમે હરિયાણાની પણ સેવા કરીશું.
Leave a Reply