કોંગ્રેસ પાર્ટી જ્યોર્જ સોરોસની કઠપૂતળી બની ગઇ: જે.પી.નડ્ડાના સંસદમાં પ્રહાર

દેશના મોટાભાગના વિસ્તારોમાં ઠંડીનું મોજું ફરી વળ્યું છે. બીજી તરફ દેશની સંસદમાં ગરમીનો માહોલ જોવા મળી રહ્યો છે. ગુરુવારે ગૃહમાં ભારે હોબાળો થયો હતો.

જ્યોર્જ સોરોસના મુદ્દે ગુરુવારે સંસદમાં ફરી એકવાર હંગામો થયો હતો. સ્વાસ્થ્ય મંત્રી જેપી નડ્ડાએ રાજ્યસભામાં કોંગ્રેસ પાર્ટી પર આકરા પ્રહારો કર્યા હતા. તેમણે કહ્યું કે કોંગ્રેસ પાર્ટી જ્યોર્જ સોરોસની કઠપૂતળી બની ગઈ છે. તેમણે કહ્યું કે જનતા તેમને ક્યારેય માફ નહીં કરે.

જોરદાર હોબાળાને કારણે ઉપલા ગૃહની કાર્યવાહી બપોરે 12 વાગ્યા સુધી સ્થગિત કરવામાં આવી હતી. અધ્યક્ષ જગદીપ ધનખરને પદ પરથી હટાવવાના પ્રસ્તાવ અંગેની નોટિસને લઈને પણ ગૃહમાં હોબાળો થયો હતો.
જ્યોર્જ સોરોસ જેવી વ્યક્તિ દેશને મુશ્કેલીમાં મુકવા માંગે છે. પરંતુ દેશ એ જાણવા માંગે છે કે સોનિયા ગાંધી સાથે તેનો શું સંબંધ છે. કોંગ્રેસ પાર્ટી આ મુદ્દાને વાળવા માટે ગૃહમાં હંગામો મચાવે છે.

ગિરિરાજ સિંહે સોનિયા ગાંધી પર પણ નિશાન સાધ્યું હતું

કેન્દ્રીય મંત્રી ગિરિરાજ સિંહે પણ આજે સોનિયા ગાંધી અને જ્યોર્જ સોરોસ પર આરોપ લગાવ્યો હતો કે કોંગ્રેસે જવાબ આપવો જોઈએ કે તેમનો એકબીજા સાથે શું સંબંધ છે.

સરકાર તેની કટ્ટરતા છોડી રહી નથી: મનોજ ઝા

આરજેડી સાંસદ મનોજ કુમાર ઝાએ કહ્યું, “સંસદીય લોકશાહીમાં, શાસક પક્ષ અને વિપક્ષ મળીને સંસદ ચલાવે છે… અમારે અહીં દરરોજ વિરોધ કરવો પડે છે કારણ કે સરકાર તેની કટ્ટરતા છોડી રહી નથી અને અમે અમારો પ્રતિકાર છોડી રહ્યા નથી.

વિપક્ષો મને મારી વાત રજૂ કરવા નથી દેતાઃ લોકસભા સાંસદ નિશિકાંત દુબે

બીજેપી સાંસદ નિશિકાંત દુબેએ કહ્યું, “…ઝીરો અવર એ સાંસદનો અધિકાર છે અને મને સતત 4 દિવસથી ઝીરો અવર મળી રહ્યો છે પરંતુ વિપક્ષ મને બોલવા દેતા નથી. કદાચ આજે હું બોલીશ..