akshay 
બુલેટિન ઈન્ડિયા અમદાવાદ : સરદાર વલ્લભભાઈ પટેલ ઈન્ટરનેશનલ એરપોર્ટ પર મુસાફરો પાસે ડિસેમ્બરમાં મુસાફરીના વધુ વિકલ્પો હશે, કારણ કે ઈન્ડિગો અમદાવાદથી ચાર નવા રૂટ શરૂ કરવાની યોજના ધરાવે છે. ઈન્ડિગોના વિન્ટર શેડ્યૂલના ભાગરૂપે નવા રૂટ અમદાવાદને તિરુવનંતપુરમ, ગુવાહાટી, કોચી અને કોલકાતા સાથે જોડશે.10 ડિસેમ્બરથી તિરુવનંતપુરમ જતી ફ્લાઇટ્સ અઠવાડિયામાં ચાર વખત ઓપરેટ થશે, જે અમદાવાદથી સાંજે 4:15 વાગ્યે ઉપડશે અને સાંજે 7:15 વાગ્યે પહોંચશે.
પરત ફરતી ફ્લાઇટ તિરુવનંતપુરમથી સાંજે 7:35 વાગ્યે ઉપડશે અને રાત્રે 9:55 વાગ્યા સુધીમાં અમદાવાદ પહોંચશે. ગુવાહાટીની ફ્લાઇટ દરરોજ ઓપરેટ થશે, એસવીપીઆઈ એરપોર્ટથી સવારે 8:30 વાગ્યે ઉપડશે અને સવારે 11:15 વાગ્યે ગુવાહાટીમાં લેન્ડિંગ કરશે. પરત ફરતી ફ્લાઈટ ગુવાહાટીથી સાંજે 4:55 વાગ્યે ઉપડશે અને રાત્રે 8:35 વાગ્યે અમદાવાદ પહોંચશે.ફ્લાઈટ નંબર 6E 6237 અમદાવાદથી કોચીની બીજી સીધી ફ્લાઈટ હશે, જે એસવીપીઆઈ એરપોર્ટથી સાંજે 4:25 વાગ્યે ઉપડશે અને સાંજે 6:45 વાગ્યે કોચી પહોંચશે.
6E 6238 નામની આ રિટર્ન ફ્લાઈટ કોચીથી સાંજે 7:15 વાગ્યે ઉપડશે અને રાત્રે 9:50 વાગ્યે અમદાવાદ પહોંચશે. આ ફ્લાઈટ અઠવાડિયામાં ત્રણ દિવસ – મંગળવાર, ગુરુવાર અને શનિવારે ચાલશે.કોલકાતાની નવી દૈનિક ફ્લાઇટ એસવીપીઆઈ એરપોર્ટથી રાત્રે 9:20 વાગ્યે ઉપડશે અને રાત્રે 11:15 વાગ્યે કોલકાતા પહોંચશે. પરત ફરતી ફ્લાઇટ નેતાજી સુભાષચંદ્ર બોઝ ઇન્ટરનેશનલ એરપોર્ટથી બપોરે 12:50 વાગ્યે ઉપડશે અને બપોરે 3:45 વાગ્યે એસવીપીઆઈ પહોંચશે.
