akshay 
ઈરાનના હુમલાના જવાબમાં ઈઝરાયેલની કાર્યવાહીથી મધ્ય પૂર્વમાં મોટું યુદ્ધ ફાટી નીકળવાની શક્યતાઓ છે. દરમિયાન, ઈરાનના સર્વોચ્ચ નેતા આયાતુલ્લાહ અલી ખામેનેઇએ ઈઝરાયેલી સેનાની કાર્યવાહીનો જવાબ આપવાનું વચન આપ્યું છે. ઈરાનના સર્વોચ્ચ નેતાનું આ નિવેદન લેબનોનમાં ઈઝરાયલી કમાન્ડોની કાર્યવાહી અને ઈઝરાયેલના પ્રાથમિક સૈન્ય સહયોગી અમેરિકી રાષ્ટ્રપતિની ચૂંટણીના થોડા દિવસો પહેલા આવ્યું છે.
-> આયાતુલ્લા અલી ખમેનીએ આ જવાબ આપ્યો :- ઈઝરાયેલની કાર્યવાહી પર પ્રતિક્રિયા આપતા આયાતુલ્લા અલી ખમેનીએ કહ્યું, “દુશ્મનો, યુનાઇટેડ સ્ટેટ્સ અને ઝિઓનિસ્ટ શાસન એ ધ્યાન રાખે કે તેઓને ચોક્કસપણે યોગ્ય જવાબ અપાશે” તેમણે લેબનોન, યમન અને સીરિયામાં હિઝબુલ્લા સહિત મધ્ય પૂર્વમાં ઈરાન અને તેના સંલગ્ન જૂથોનો ઉલ્લેખ કરીને આ જાહેરાત કરી હતી.
-> ઈરાન તેની પરમાણુ નીતિ પર પુનર્વિચાર કરશે : કમલ ખરાઝી :- આયાતુલ્લા અલી ખમેનીની જાહેરાત બાદ તેમના એક મુખ્ય સલાહકાર કમાલ ખરાજીએ પણ તણાવ વધારવાની વાત કરી હતી. ઈરાનની પરમાણુ ક્ષમતા વિશે સંકેત આપતા કમલ ખરજીએ કહ્યું, “જો ઈઝરાયેલના હુમલાને કારણે ઈરાનના અસ્તિત્વને ખતરો લાગશે તો ઈરાનને તેની પરમાણુ નીતિઓ પર પુનર્વિચાર કરવાની ફરજ પડશે. અમારી પાસે શસ્ત્રો બનાવવાની ક્ષમતા છે અને અમને આ બાબતે કોઈ સમસ્યા નથી.
-> ઈઝરાયેલના હુમલામાં ચાર ઈરાની સૈનિકો માર્યા ગયા હતા :- ઈઝરાયેલે ઈરાનના મિસાઈલ હુમલાનો જવાબ 26 ઓક્ટોબરે જેમાં ચાર ઈરાની સૈનિકો માર્યા ગયા હતા.. આ કાર્યવાહી બાદ ઈઝરાયેલે દાવો કર્યો છે કે તેના દ્વારા કરવામાં આવેલા હવાઈ હુમલામાં ઈરાનની મિસાઈલ અને એર ડિફેન્સ ક્ષમતાઓને ખાસ્સું નુકસાન થયું છે. જેનો ઈરાને જડબાતોડ જવાબ આપવાની ખાતરી આપી છે.
