આ 2 સ્પર્ધકોના નામ પણ લેવાયા ગુરુચરણ સિંહ સાથે, એકનો વિવાદો સાથે જૂનો સંબંધ

કલર્સનો લોકપ્રિય અને વિવાદાસ્પદ ટીવી શો બિગ બોસ 18 ટૂંક સમયમાં શરૂ થવા જઈ રહ્યો છે. આને લઈને ફેન્સ ખૂબ જ ઉત્સાહિત છે. એક પછી એક શોના ઘણા પ્રોમો પણ રિલીઝ થયા છે. આ વખતે પણ સલમાન ખાન શોમાં હોસ્ટ તરીકે જોવા મળશે. શોની થીમ ટાઈમ ટ્રાવેલ છે જેના દ્વારા બિગ બોસ સ્પર્ધકોનું ભવિષ્ય પણ જોઈ શકશે.

-> તારક મહેતાનો આ સ્પર્ધક જોવા મળશે :- આ શો 6 ઓક્ટોબરે ટીવી પર પ્રિમિયર થશે. કન્ફર્મ કન્ટેસ્ટન્ટ તરીકે નિયા શર્માનું નામ સૌથી પહેલા આવ્યું હતું. ખતરોં કે ખિલાડી 14 ના અંતિમ એપિસોડમાં રોહિત શેટ્ટીએ આની પુષ્ટિ કરી હતી. હવે ધીમે-ધીમે શોમાં ભાગ લેનાર અન્ય સ્પર્ધકોના નામ પણ બહાર આવવા લાગ્યા છે. સમાચાર છે કે તારક મહેતા કા ઉલ્ટા ચશ્મામાં જોવા મળેલ રોશન સિંહ સોઢી ઉર્ફે ગુરુચરણ સિંહ બિગ બોસના ઘરમાં એન્ટ્રી કરી શકે છે. હાલમાં જ ગુરુચરણ સિંહ કંઈપણ જાણ કર્યા વિના તેમના ઘરેથી ગુમ થઈ ગયા હતા, ત્યારબાદ તેમનું નામ હેડલાઈન્સમાં આવ્યું હતું.

-> મા શર્માનું નામ પણ સામેલ છે :- આ સિવાય ઈ ટાઈમ્સના અહેવાલ મુજબ બીજું નામ હેમા શર્માનું હોવાનું કહેવાય છે. હેમા ‘વાઈરલ ભાભી’ તરીકે ફેમસ છે. હેમાએ ‘દબંગ 3’માં સલમાન ખાન સાથે કામ કર્યું હતું. હેમાએ તેની ડાન્સ રીલ્સ, વીડિયો અને પોસ્ટ માટે ઘણી લોકપ્રિયતા મેળવી છે. તેની શાનદાર સ્ટાઈલને કારણે તે આ શોનો હિસ્સો હોવાની પુષ્ટિ કરવામાં આવી છે.

જૂન 2023માં હેમાએ સલમાન ખાનની સુરક્ષા પર તેની સાથે ગેરવર્તન કરવાનો આરોપ લગાવ્યો હતો. હેમા બળપૂર્વક અભિનેતાને મળવાનો પ્રયાસ કરી રહી હતી.દરમિયાન, ગોપી કિશન અને ખુદા ગવાહ જેવી ફિલ્મોમાં અભિનય માટે પ્રખ્યાત બોલિવૂડ અભિનેત્રી શિલ્પા શિરોડકર પણ બિગ બોસ 18માં સામેલ થવા માટે તૈયાર છે. આ સિવાય અભિનેત્રી ચૂમ દરંગ, જે અરુણાચલ પ્રદેશની છે અને આયુષ્માન ખુરાના સાથે ફિલ્મ બધાઈ દોમાં જોવા મળી હતી, તે પણ જોવા મળશે.