જ્યોર્જ સોરોસ ફાઉન્ડેશન સાથે સોનિયા ગાંધીના કનેક્શનનો ભાજપનો આરોપ

ભારતીય જનતા પાર્ટી એ રવિવારે ફરી એકવાર પૂર્વ કોંગ્રેસ અધ્યક્ષ સોનિયા ગાંધી પર નિશાન સાધ્યું. અમેરિકાના ઇનકાર છતાં ભાજપે આરોપ લગાવ્યો કે સોનિયા ગાંધીના જ્યોર્જ સોરોસ ફાઉન્ડેશન સાથે સારા સંબંધો છે. આ સંગઠન કાશ્મીરને સ્વતંત્ર રાષ્ટ્ર તરીકે સ્થાપિત કરવાના વિચારને સમર્થન આપે છે.

શાસક પક્ષે X પર એક પોસ્ટમાં કહ્યું કે સોનિયા ગાંધીનો આ સંબંધ ભારતના આંતરિક મામલામાં વિદેશી સંસ્થાઓનો પ્રભાવ દર્શાવે છે. ભારતને અસ્થિર કરવાના પ્રયાસોને સમર્થન આપવાના ભાજપના આરોપોને અમેરિકાએ નકારી કાઢ્યા હોવા છતાં, પાર્ટીના સાંસદ નિશિકાંત દુબેએ કહ્યું કે તેઓ આ મુદ્દે લોકસભામાં વિપક્ષના નેતા રાહુલ ગાંધીને 10 પ્રશ્નો પૂછશે.

નિશિકાંત દુબેએ આ આક્ષેપો કર્યા હતા

નિશિકાંત દુબેએ ફરી દાવો કર્યો કે મીડિયા પોર્ટલ ઓર્ગેનાઈઝ્ડ ક્રાઈમ એન્ડ કરપ્શન રિપોર્ટિંગ પ્રોજેક્ટ (OCRP) અને હંગેરિયન-અમેરિકન બિઝનેસમેને ભારતના અર્થતંત્રને નુકસાન પહોંચાડવા અને મોદી સરકારને બદનામ કરવા માટે વિપક્ષ સાથે હાથ મિલાવ્યા છે.
ભાજપે દાવો કર્યો હતો કે ફોરમ ઓફ ડેમોક્રેટિક લીડર્સ ઇન એશિયા પેસિફિક (FDL-AP) ફાઉન્ડેશનના સહ-અધ્યક્ષ તરીકે, સોનિયા ગાંધી જ્યોર્જ સોરોસ ફાઉન્ડેશન દ્વારા ભંડોળ પૂરું પાડવામાં આવતી સંસ્થા સાથે સંકળાયેલા છે. એક મીડિયા અહેવાલમાં સોનિયા ગાંધી અને કાશ્મીરને એક સ્વતંત્ર રાષ્ટ્ર તરીકેના વિચારને સમર્થન આપતી સંસ્થા વચ્ચેના આ સંબંધને ટાંકવામાં આવ્યો છે, જે ભારતની આંતરિક બાબતો પર વિદેશી સંસ્થાઓના પ્રભાવને દર્શાવે છે અને આવા સંબંધોની સંભાવનાને દર્શાવે છે.”

ભાજપે ગુરુવારે આ આરોપો લગાવ્યા હતા
ભાજપે એવો પણ આક્ષેપ કર્યો હતો કે રાજીવ ગાંધી ફાઉન્ડેશનના અધ્યક્ષ સોનિયા ગાંધીએ જ્યોર્જ સોરોસ ફાઉન્ડેશન સાથે ભાગીદારી કરી હતી. તે ભારતીય સંસ્થાઓ પર વિદેશી ભંડોળની અસર દર્શાવે છે. તમને જણાવી દઈએ કે બીજેપીના આરોપો ગુરુવારે એવા દાવા પછી આવ્યા છે કે અમેરિકાના “ડીપ સ્ટેટ” એ ભારતની છબીને નુકસાન પહોંચાડવા માટે OCCRP અને રાહુલ ગાંધી સાથે સાંઠગાંઠ કરી છે.

અમેરિકાએ આવા તમામ આરોપોને ફગાવી દીધા હતા

યુએસએ શનિવારે ભાજપના એવા આરોપોને ફગાવી દીધા હતા કે તેના સ્ટેટ ડિપાર્ટમેન્ટ દ્વારા ભંડોળ પૂરું પાડવામાં આવેલ સંગઠનો અને અમેરિકન “ડીપ સ્ટેટ” તત્વો વડાપ્રધાન નરેન્દ્ર મોદી અને બિઝનેસ ટાયકૂન ગૌતમ અદાણી પર હુમલો કરીને ભારતને અસ્થિર કરવાનો પ્રયાસ કરી રહ્યા છે. યુએસ એમ્બેસીના પ્રવક્તાએ આરોપોને નિરાશાજનક ગણાવ્યા અને ભારપૂર્વક જણાવ્યું કે યુએસ સરકાર વિશ્વભરમાં મીડિયાની સ્વતંત્રતાની સમર્થક રહી છે.

નિશિકાંત દુબે યુએસ એમ્બેસીના નિવેદન સાથે સહમત નથી.

યુએસ એમ્બેસીના નિવેદન પર પ્રતિક્રિયા આપતા બીજેપી સાંસદ દુબેએ કહ્યું, “ગઈકાલે મેં યુએસ એમ્બેસીના અધિકારીઓનું નિવેદન વારંવાર વાંચ્યું. તેઓએ સ્વીકાર્યું કે યુએસ સરકાર OCCRP ને ફંડ આપે છે, અને સોરોસ ફાઉન્ડેશન પણ તેને ફંડ આપે છે. OCCRP અને સોરોસનું કામ છે. ભારતની અર્થવ્યવસ્થાને નષ્ટ કરવાનું અને વિપક્ષી નેતાઓ સાથે મળી મોદી સરકારને બદનામ કરવાનું