એલાયન્સ એર વિન્ટર શિડ્યુલમાં અમદાવાદ-કેશોદ, દીવ-કેશોદ ફ્લાઇટ શરૂ કરશે

બુલેટિન ઈન્ડિયા જૂનાગઢ : કેશોદ ટૂંક સમયમાં જ ગુજરાતના સૌથી મોટા શહેર અમદાવાદ અને કેન્દ્રશાસિત પ્રદેશ દીવ સાથે એર કનેક્ટિવિટી મેળવશે, કારણ કે એલાયન્સ એર બંને સ્થળોએ અઠવાડિયામાં ત્રણ વખત ફ્લાઇટનું સંચાલન કરશે.શિયાળુ કાર્યક્રમ 27 ઓક્ટોબર, 2024 થી શરૂ થશે. 29 ઓક્ટોબરથી એલાયન્સ એર મંગળવાર, ગુરુવાર અને શનિવારે કેશોદથી દીવની ફ્લાઈટ દોડાવશે. આ ફ્લાઇટ કેશોદથી સવારે 11:20 કલાકે ઉપડશે અને 25 મિનિટના ફ્લાઇટ ટાઇમ સાથે 11:45 વાગ્યે દીવ એરપોર્ટ પર પહોંચશે. પરત ફરતી ફ્લાઇટ બપોરે 3:25 વાગ્યે દીવથી ઉપડશે, 3:55 વાગ્યે કેશોદ એરપોર્ટ પર ઉતરાણ કરશે.

જેમાં 30 મિનિટનો એરટાઇમ લેવામાં આવશે.દીવની ફ્લાઈટ બાદ આ જ વિમાન અમદાવાદ જવા રવાના થશે, સાંજે 4:20 કલાકે ઉડાન ભરશે અને સાંજે 5:10 કલાકે સરદાર વલ્લભભાઈ પટેલ ઈન્ટરનેશનલ એરપોર્ટ પર પહોંચશે, જેમાં ફ્લાઈટનો સમય 50 મિનિટનો હશે. દરમિયાન અમદાવાદથી કેશોદ જતી ફ્લાઈટ એસવીપીઆઈથી સવારે 10:10 કલાકે ઉપડશે અને સવારે 10:55 વાગ્યાની આસપાસ કેશોદ એરપોર્ટ પર લેન્ડ થશે.એરલાઇન આ રૂટ્સ પર એટીઆર 72 સીટર એરક્રાફ્ટનો ઉપયોગ કરશે, જેની ક્ષમતા 65 પેસેન્જર્સની છે.