akshay 
દેશની બજેટ એરલાઈન ઈન્ડિગોએ આ વર્ષે જાન્યુઆરીમાં મુંબઈ એરપોર્ટ નજીક બનેલી ઘટના માટે 70 લાખ રૂપિયાનો દંડ ચૂકવ્યો છે. ઈન્ડિગોએ આ દંડ રેગ્યુલેટર એટલે કે બ્યુરો ઓફ સિવિલ એવિએશન સિક્યુરિટી (BCAS)ને ચૂકવ્યો છે. જાન્યુઆરીમાં મુંબઈ એરપોર્ટ પર બનેલી ઘટના માટે ઈન્ડિગોએ BCASને 70 લાખ રૂપિયાનો દંડ કેમ ચૂકવ્યો,
–> જાણો અહીં :- શું હતો સમગ્ર મામલો :- 14 જાન્યુઆરીએ જ્યારે દિલ્હીમાં ગાઢ ધુમ્મસ હતું ત્યારે ગોવા-દિલ્હી ફ્લાઈટ તેના કારણે મોડી પડી હતી. આ ફ્લાઈટના મુસાફરો મુંબઈ ઉતર્યા બાદ પ્લેનમાંથી બહાર આવ્યા, કેટલાક લોકો ટાર્મેક પર બેસીને ભોજન કરી રહ્યા હતા. આ ઘટના બાદ BCASએ પહેલા ઈન્ડિગોને કારણ બતાવો નોટિસ જારી કરી હતી અને પછી 1.2 કરોડ રૂપિયાનો પ્રારંભિક દંડ પણ લગાવ્યો હતો. આ વર્ષે 14 જાન્યુઆરીએ મુંબઈ એરપોર્ટ પર બનેલી ઘટનાને કારણે ઈન્ડિગોએ 1.2 કરોડ રૂપિયાનો દંડ ઘટાડવા વિનંતી કરી હતી. આ ઘટનાના તમામ પાસાઓને ધ્યાનમાં લીધા પછી, BCASએ ઈન્ડિગો પર લાદવામાં આવેલ રૂ. 1.2 કરોડનો દંડ ઘટાડીને રૂ. 70 લાખ કર્યો, જે એરલાઈને ગઈકાલે ચૂકવ્યો હતો.
–> માત્ર એક માસમાં ચૂકવી દીધી દંડની રકમ :- મુંબઈ એરપોર્ટના રનવે પાસે હવાઈ મુસાફરો દ્વારા ખોરાક ખાવાની ઘટનાને લઈને રૂ. 70 લાખનો ઓછો દંડ ભરવો પડ્યો હતો. જો કે, આ 70 લાખ રૂપિયા ઈન્ડિગો માટે પણ રાહતના સમાચાર છે કારણ કે આ પહેલા બ્યુરો ઓફ સિવિલ એવિએશન સિક્યુરિટીએ 18 જાન્યુઆરીએ એરલાઈન પર 1.2 કરોડ રૂપિયાનો દંડ લગાવ્યો હતો. ઈન્ડિગોએ સ્ટોક એક્સચેન્જને જણાવ્યું કે BCASએ તેની અપીલ પર 12 ઓગસ્ટના આદેશ દ્વારા દંડને ઘટાડીને રૂ. 70 લાખ કરી દીધો છે અને એરલાઈને કહ્યું કે તેણે 10 સપ્ટેમ્બર, 2024ના રોજ BCASને સુધારેલી દંડની રકમ ચૂકવી દીધી છે.
–> ઈન્ડિગોએ બોમ્બે સ્ટોક એક્સચેન્જને માહિતી આપી હતી :- બોમ્બે સ્ટોક એક્સચેન્જમાં દાખલ કરાયેલી માહિતીમાં ઈન્ડિગોએ કહ્યું છે કે તેની અપીલ પર BCASએ 12 ઓગસ્ટે દંડની રકમ ઘટાડીને 70 લાખ રૂપિયા કરી દીધી હતી. તેના પછીના એક મહિનાની અંદર (10 સપ્ટેમ્બર 2024) ઈન્ડિગોએ આ દંડ ચૂકવી દીધો છે.
