કંપનીના રચના નંદાણીનું કહેવું છે કે કેટલાક કર્મચારીઓને નિયમિત પગાર નથી મળી રહ્યો.એટલું જ નહીં તેમનું પીએફ પણ જમા થતું નથી. આ સાથે તેઓએ કોન્ટ્રાક્ટ એજન્સી સામે પણ કાર્યવાહી કરવાની માગ કરી છે.

જામનગર કોર્પોરેશનમાં કરાર આધારિત કર્મચારીઓને પગાર ન ચૂકવાતા કોંગ્રેસના મહિલા કોર્પોરેટરે વિરોધ નોંધાવ્યો હતો. કોંગી કોર્પોરેટર રચના નંદાણી પોતાના પર પ્રેઝન્ટેશન પેપર ચોંટાડીને મેયર ઓફિસ પહોંચી હતી. જેથી મેયર હાજર ન હોવાથી તેમણે દરવાજા પર પ્રેઝન્ટેશન પેપર ચોંટાડીને વિરોધ નોંધાવ્યો હતો.

કોર્પોરેટર રચના નંદાણીનો આરોપ છે કે, કરાર આધારિત કર્મચારીઓને નિયમિત પગાર મળતો નથી, એટલું જ નહીં તેમનું પીએફ જમા થતું નથી. આ સાથે તેઓએ કોન્ટ્રાક્ટ એજન્સી સામે પણ કાર્યવાહી કરવાની માગ કરી છે.

કોર્પોરેટર રચના નંદાણીએ આક્ષેપો કર્યા

આ તરફ જામનગરમાં જિલ્લા પંચાયતની બજેટ સામાન્ય સભામાં વિપક્ષે હોબાળો મચાવ્યો હતો. બજેટની સામાન્ય સભા પહેલા બજેટની નકલ ન અપાતાં વિરોધ થયો હતો.

વિપક્ષ નેતાએ બજેટની કોપી ફાડીને વિરોધ નોંધાવ્યો હતો. એટલું જ નહીં તેમણે ટેબલ પર ચઢીને મંત્રોચ્ચાર પણ કર્યો હતો. સાથે જ રોષે ભરાયેલા વિપક્ષી નેતાઓએ પણ ચાલુ બેઠકમાંથી વોકઆઉટ કર્યું હતું.

મહત્વનું છે કે ચાલુ બેઠકમાં પરિસ્થિતિ વધુ વણસતા પોલીસને પણ બોલાવવાની ફરજ પડી હતી. સામાન્ય રીતે બજેટની નકલ સામાન્ય સભા પહેલા સભ્યોને આપવામાં આવતી હોય છે, પરંતુ જામનગર જિલ્લા પંચાયતની સામાન્ય સભા પહેલા બજેટની નકલ ન અપાતા વિપક્ષે વિરોધ નોંધાવ્યો હતો. વોકઆઉટ પણ કર્યું હતું.