સૌથી લાંબા સમય સુધી મંત્રી રહેલા પરષોત્તમ સોલંકીનો ફરી સમાવેશ કરવામાં આવ્યો છે. ભૂપેન્દ્ર પટેલ સરકારમાં કેબિનેટ કક્ષાના આઠ મંત્રીઓ, સ્વતંત્ર હવાલો ધરાવતા બે રાજ્યકક્ષાના પ્રધાનો અને છ રાજ્યકક્ષાના પ્રધાનોએ શપથ લીધા છે. સૌરાષ્ટ્રના મજબૂત નેતા ગણાતા પરષોત્તમ સોલંકીને રાજ્યકક્ષાના મંત્રી બનાવવામાં આવ્યા છે. સૌરાષ્ટ્રના આ કોળી નેતાએ પોતાની અંગત તાકાત પર ગુજરાતના રાજકારણમાં પોતાનું સ્થાન બનાવ્યું છે.

સૌથી વધુ મંત્રી પદ પર બિરાજમાન ગુજરાતના આ નેતાએ ફરી એકવાર મંત્રી પદના શપથ લઈને ગુજરાતમાં પોતાનું કદ બતાવ્યું છે. પરષોત્તમ સોલંકી ગુજરાતના સૌથી લાંબા સમય સુધી સેવા આપતા મંત્રી બન્યા છે. તેમણે કેશુભાઈના મંત્રીમંડળમાં 1313 દિવસ, નરેન્દ્ર મોદીના મંત્રીમંડળના પ્રથમ બીજા અને ત્રીજા મંત્રીમંડળમાં અનુક્રમે 432 દિવસ, 876 દિવસ અને 1828 દિવસ સુધી સેવા આપી હતી.

નરેન્દ્ર મોદી વડાપ્રધાન બન્યા તે પહેલા પણ તેઓ 512 દિવસ સુધી પોતાના મંત્રીમંડળમાં હતા. આમ, તેઓ આનંદીબેન પટેલ અને વિજય રૂપાણીના કાર્યકાળ સહિત કુલ 6830 દિવસ સુધી મંત્રીપદ સંભાળી ચૂક્યા છે. તેમની રાજકીય કારકિર્દી પર નજર કરીએ તો તેઓ Electrical Engineer હોવા છતાં રાજકારણમાં વધુ રસ ધરાવતા હતા. તેમણે પોતાની કારકિર્દીની શરૂઆત શિવસેનાના કાર્યકર તરીકે કરી હતી. 1992 માં બાબરી મસ્જિદના ધ્વંસ પછીનાં રમખાણોમાં સોલંકીની ભૂમિકા વિવાદાસ્પદ હતી.

તેઓ 1990ના દાયકામાં ગુજરાતના રાજકારણમાં સક્રિય થયા હતા પરસોત્તમ સોલંકીએ 1996ની લોકસભાની ચૂંટણીમાં પ્રથમ વખત અપક્ષ તરીકે ચૂંટણી લડી હતી. 1995થી તેઓ સતત ચૂંટણી લડતા અને જીતતા આવ્યા છે. 1998ની ચૂંટણીમાં ભાજપે સોલંકીને ઘોઘા બેઠક પરથી ટિકિટ આપી હતી. 2007માં પણ તેઓ ઘોઘાથી જીત્યા હતા. નવા સીમાંકનને કારણે ઘોઘા બેઠક નાબૂદ થયા બાદ સોલંકીએ 2012માં ભાવનગર ગ્રામ્ય બેઠક પરથી ચૂંટણી લડી હતી.