સલમાન ખાનના ઘરની બહાર ફાયરિંગમાં પોલીસનો મોટો ખુલાસો
બુલેટિન ઈન્ડિયા : સલમાન ખાનના ઘરની બહાર ફાયરિંગને લઈને મોટો ખુલાસો થયો છે. એક વરિષ્ઠ પોલીસ અધિકારીએ મંગળવારે જણાવ્યું હતું કે ધરપકડ કરાયેલા બે માણસોએ આ ઘટનાને અંજામ આપતા પહેલા અભિનેતાના ઘરની આસપાસ ત્રણ વખત તપાસ કરી હતી. બંને આરોપીઓની ઓળખ બિહારના રહેવાસી વિકી ગુપ્તા (24 વર્ષ) અને સાગર પાલ (21 વર્ષ) તરીકે થઈ છે. રવિવારે સવારે બાંદ્રા વિસ્તારમાં ગેલેક્સી એપાર્ટમેન્ટમાં અભિનેતાના ઘરની બહાર ફાયરિંગની ઘટના બાદ બંને ફરાર થઈ ગયા હતા.
પોલીસે તેમના નિવેદનમાં જણાવ્યું હતું કે આરોપીઓ સોમવારે મોડી રાત્રે ગુજરાતના કચ્છ જિલ્લામાંથી ઝડપાયા હતા. એક પોલીસ અધિકારીએ જણાવ્યું કે ઘટના સમયે વિક્કી મોટરસાઇકલ ચલાવી રહ્યો હતો. આ દરમિયાન પાછળ બેઠેલા સાગરે અભિનેતાના ઘરે કથિત રીતે ગોળીબાર કર્યો હતો. મુંબઈના જોઈન્ટ પોલીસ કમિશનર (ક્રાઈમ) લક્ષમી ગૌતમે એક પ્રેસ કોન્ફરન્સમાં માહિતી આપી હતી કે બંને લોકોને મંગળવારે સવારે ફ્લાઈટમાં મુંબઈ લાવવામાં આવ્યા છે. જણાવ્યું કે તેની મેડિકલ તપાસ બાદ તેને કોર્ટમાં રજૂ કરવામાં આવ્યો હતો. જે બાદ તેને 25 એપ્રિલ સુધી પોલીસ કસ્ટડીમાં મોકલી દેવામાં આવ્યો હતો.
અધિકારીએ જણાવ્યું કે, રવિવારે આરોપીઓએ પાંચ રાઉન્ડ ફાયરિંગ કર્યું, જેમાંથી એક દિવાલ સાથે અથડાયો અને બીજો સલમાન ખાનના ઘરની ગેલેરીમાં, ઘટનાની તપાસ દરમિયાન ફાયરિંગની જવાબદારી સ્વીકારતી ફેસબુક પોસ્ટ પણ સામે આવી છે. પોલીસના જણાવ્યા અનુસાર, આ પોસ્ટ કથિત રીતે જેલમાં બંધ ગેંગસ્ટર લોરેન્સ બિશ્નોઈના નાના ભાઈ અનમોલ બિશ્નોઈ દ્વારા અપલોડ કરવામાં આવી હતી. આ મામલે પોલીસે કાર્યવાહી કરીને અનમોલ વિરુદ્ધ ગુનો નોંધ્યો છે.
Comment / Reply From
You May Also Like
Popular Posts
Newsletter
Subscribe to our mailing list to get the new updates!